Am Samstig hend sich 25 Chind mit 13 Pirate uf d Suechi nachem Pirateschatz gmacht. Am Morge hemmer zerst müesse Geld verdiene, demit mer am Namitag hend chöne Pirate bestäche. So simmer zu de Informatione cho, wo sich de Schatz befindet. Da d Schatzcharte verrisse und uf vier Pirate ufteilt worde isch, hemmer müesse die vier Pirate gfinde und denn au no die richtige Schatzcharteteil zemesueche. Das hemmer aber problemlos gschafft und zum Schluss het d Gruppe Blau chönne de Schatz usgrabe.